1Ti 2 | PONPDN | STEP | Iet me I men panaui mas: Komail nidinideki o kapakapki, o poekipoeki aramas akan karos, o wia danke.

1 Timothy 2

1 Iet me I men panaui mas: Komail nidinideki o kapakapki, o poekipoeki aramas akan karos, o wia danke. 2 Kapakapki nanmarki o saumas akan karos, pwe sen meleilei o insamamau, wiawia me kon on Kot o mehlel. 3 Pwe I me mau o kon on atail Saunkamaur Kot. 4 Me kotin men, aramas akan karos en dorela o lolekon kila melel. 5 Pwe Kot me ta men o wilia patail me ta men pun en Kot o aramas akan, iet Aramas Kristus Iesus. 6 Me kotin wiala en aramas karos men pwaipwai, kadede en met, en lolok sili ni ansau me kon on. 7 I me i wia kila saunkair o wanporon amen, i kin lokaia melel o so likam, o saunpadak on men liki kan ni poson o melel. 8 I me i men, ol akan en kapakap ni wasa karos, ni ar pokada pa ar saraui, so makar o so peikasal. 9 Pil dueta li akan, ren kapwadeki likau makelekel o lelapok, o tiak mau, a kaidin ni inid pit en mona, de kold, de manaman akan, de likau linan, 10 A me kon on li akan, me men kasaleda ar masak Kot ni ar wiawia mau kan. 11 Li akan en nenenla, ap padapadakki ni tiak en impimpai. 12 I sota mueid on li amen, en wiada padak, de kaunda ol, a en nenenla. 13 Pwe Adam me wiauier mas, a muri Ewa. 14 A kaidin Adam, me katiamaula, a li o me katiamaular, ap pupedi ni me sapun. 15 A a pan dorela ni a naitik ma a pan podidi on poson, o limpok, o saraui, o tiak mau.